अंग्रेजी नयाँ वर्षका दिन यस्ताे हुनेछ माैसमी गतिविधि

काठमाण्डाै – अंग्रेजी नयाँ वर्ष १ जनवरी २०२० अर्थात् आगामी बुधबार देशमा मौसमले त्यति धेरै साथ नदिने संकेत पाइएको छ । यसको अघिल्लो दिन भोलि मंगलबारदेखि नै मौसममा गडबड आउने संकेत मौसम पूर्वानुमान महाशाखाले गरेको छ ।

महाशाखाका अनुसार भोलि मंगलबार दिउँसो र राति देशैभरी मौसम बदली रहनेछ ।

महाशाखाले बुधबार दिउँसो देशभर आंशिक देखि सामान्य बदली रही पश्चिमी र पूर्वी पहाडी भूभागमा हल्का बर्षाको सम्भावना रहेको उल्लेख गरेको छ ।

उच्च पहाडी र हिमाली भूभागमा हल्कादेखि मध्यम खालको हिमपात पनि हुने सम्भावना औंल्याइएको छ ।

बुधबार राति पनि देशभर आंशिकदेखि सामान्य बदली रही देशका थोरै स्थानमा हल्का वर्षाको सम्भावना छ । उच्च पहाडी र हिमाली भूभागमा हल्कादेखि मध्यम खालको हिमपात पनि हुने जनाइएको छ ।

महाशाखाका अनुसार अहिले नेपालमा उल्लेखनीय मौसमी प्रणाली भने विकसित भएको छैन ।

No Comments, Be The First!

Your email address will not be published.